Wednesday, June 20, 2012

දෙවැනි පියවර - පනින්ට පෙර බස දැනගනු !

එහෙම නම් අපේ දෙවැනි පියවර තබන්නයි හදන්නේ , මේ අපි යන්න හදන්නේ ටිකක් බැරෑරුම් ගමනක් , ගන්න හදන්නේ ජීවිතේ වැදගත්ම තීරණයක් , ඒ නිසා ඒ තීරණය ගන්න , පියවර ඔසවන්න ඉස්සර වෙලා යන්න හදන තැන ගැන පොඩි අවබෝධයක් තිබෙන එක හරිම වටිනවා . ඒ නිසා අදත් අපි මුලින්ම කැනඩාවේ සිරි විසිතුරු තොරතුරු ටිකක් කතා කරලම ඉමු .
මුලින්ම කියන්න එපායැ කැනඩාව තුල ප්‍රධාන භාෂා දෙකක් පළමු භාෂාවන් Official languages විදියට භාවිත වෙනවා , ඒ තමයි ඉංග්‍රිසි සහ ප්‍රංශ භාෂාව .

මෙන්න කැනඩා ජාතික ගීය මේ භාෂා දෙකෙන්ම අහන්න .


මෙන්න ප්‍රංශ භාෂාවෙන් ..මේක කියන්නේ සෙලින් ඩියොන් , මතකද ටයිටැනික් සිංදුව කීයේ , එයාත් ඉන්නේ මේ කිට්ටුවම තමයි ..




මේ නිසාම මේ භාෂා දැනුම දෙකම නැතත් ඉංග්‍රිසි භාෂාව පිළිබඳ භාවිත දැනුම මේ ඉදිරි වැඩකටයුත්තෙදි හරිම වැදගත් , දැන ගත්තටම මදි එය යම් පිළිගත් විභාග මඟින් සනාථ කර පෙන්වන්නට ඕන නිසා මේ පැත්තෙ එන්න අරමුණක් තිබේ නම් මුලින්ම ඉංග්‍රිසි භාෂා දැනුම දියුණු කරගන්න . ඒ සඳහා ඔබේ ගුරුවරයාගේ උපකාරය ප්‍රමාණවත් , කැනඩාවට එන්න කියල විශේෂිත ඉංග්‍රිසි පාඨාමාලා හදාරන්නට , එහෙම නැත්නම් ගැඹුරු ඉංග්‍රිසි සාහිත්‍ය විමර්ශනය කරන්නට ඕනෑ නැහැ . ඒකයි කීවේ භාවිත ඉංග්‍රීසි දැනුමයි අවශ්‍ය . නමුත් පොඩි ප්‍රශ්නයක් තිබෙනවා , තිබෙන දැනුම ජාත්‍යන්තරව පිළිගන්නා විභාගයකින් සනාථ කරල පෙන්වන්නට ඕන නිසා , ඒ සඳහා ඔබට I.E.L.T.S හෝ CELPIP එහෙමත් නැත්නම් TEF වැනි ප්‍රංශ භාෂා ප්‍රවීනතා විභාගයක් කරන්නට වෙනවා . දැන් කියාවි මේ සමහර විභාග ඇහුවෙත් අදනේ කියලා . ඔව් මෙයින් ශ්‍රී ලාංකික අපිට පහසුවෙන්ම කරගන්නට පුළුවන් I.E.L.T.S ගැන පොඩ්ඩක් කතා කරමු ඉස්සර වෙලාම.


I.E.L.T.S. - http://www.ielts.org/  පොඩි කතාවක් මේ ගැනත් කියන්න තියෙනවා , මෙම විභාගයේ academic සහ general කියන ආකාර දෙකක් තිබෙනවා , I.E.L.T.S. ACADEMIC version එක ඕන වෙන්නේ විදේශ රටක විශ්ව විද්‍යාලයක අධ්‍යපන ආරම්භ කරන්නට තමයි ප්‍රධානව , කැනඩාව වෙත පැමිණිමේ කටයුත්තට මෙහි General version එක කළාම හොඳටම ඇති . දැන් ඉතින් අහයි Academic වැඩිය හොඳයි නේ කියල , නමුත් දැනට තිබෙන නීතියේ හැටියට වීසා සැකසුම් සඳහා අවශ්‍ය General version එක තමයි .


දැන් ඉතින් ඉංග්‍රීසි පුළුවන් කියල හිතුන පළීයටම කළබලේට ගිහින් I.E.T.L.S. කරන්න යන්න එපා . මොකද මේක පොඩි ගේම් එකක් වගේ වැඩක් , ඒ කිව්වේ I.E.L.T.S. ටෙස්ට් එක කරන එක කාළයත් එක්ක කරන පොඩි සෙල්ලමක් , ඉතින් එකපාරට ගිහින් වැඩේ පටලවා ගෙන සල්ලි නාස්ති කරගන්නවාට වඩා හොඳයි කෙටි කාළීන I.E.L.T.S. preparation class එකකට යන එක , බොහාම අඩු වියදමකින් දින 6ක විතර කෝස් එකක් කරගත්තම ඇති මට හිතෙන්නේ , හැබැයි කෝස් එකේ කරන ඒවට අමතරව , අන්තර්ජාලය හරහා තවත් ප්‍රැක්ටිස් කරන්න ඕන . ඒ සඳහා ඕන තරම් සම්පත් අන්තර්ජාලෙන් හොයා ගන්න පුළුවන් .
 ඒ විදයට උත්සාහ ගත්තොත් වැඩේ කරගන්න සති හයක් හොඳටම ඇති . මේ මම කිව්වේ මගේ අත්දැකීම මත , ඒ නිසා එය ඔබට අනුකූලව හිතල වැඩේ කරගන්න ඕන , මොකද මේ විභාගය සඳහා ඔබට රුපියල් 17200.00 (තව ටික දවසකින් තවත් ගණන වැඩි කරන බවයි පේන්නේ) වැය කරන්නට වෙනවා. හොඳට සූදානම් වෙලා විභාගෙ කරගත්තොත් හරියටම විභාගෙන් 13වෙනි දවස වෙනකොට online ගිහින් ප්‍රතිපල බලා ගන්නට පුළුවන් .මෙන්න ලින්ක් එකක් මෙතැනින් ගිහින් අදාල විභාගය පැවැත්වෙන තැන් , වියදම විතරක් නොවෙයි විභාගය සඳහා පෙර පුහුණූවක් ලබා ගන්නත් පුළුවන්.


කොහොමද ලකුණූ තියෙන්න ඕන ? මේ විභාගෙදි ළකුණූ දෙන්නේ පියවර හතරකින් , ඒ වගේම සියල්ලගේම සාමාන්‍ය අගය overall marks විදියටත් කියැවෙනවා. ඒ නිසා Each component වලට 5.5 වඩා වැඩි ඉහළ අගයක් ගැනීමත් overall marks විදියට 6.5 ක විතර අගයක් වත් ලබා ගැනීමටත් වෙහෙසෙන්න ඕන , නමුත් විශේෂ අවස්ථා වල මේ මට්ටම එහා මෙහා වෙන්නට පුළුවන් , ඒ කිව්වේ පවුලේ ලේ ඥාතියෙක් දැනට කැනඩාවෙ ඉන්නවා නම් , එයා කැමති නම් ඔබ වෙනුවෙන් රැකවරණව ලබා දීමට එකඟ වන්නට , මේ ළකුණු ප්‍රමාණය පොඩ්ඩක් එහා මෙහා වුනාට ගැටළුවක් වෙන එකක් නැහැ . අපි ඉදිරි දවසකදි මේ ළකුණු ඔබේ වීසා සැකසුමට ගණනය කරන විදිය විස්තරාත්මකව කතා කරමු .


කියන්න අමතක වුනානේ , I.E.L.T.S. ඉල්ලුම් කරන්න නම් ඔබ ළඟ අදාල මුදලට අමතරව ඡායාරූප දෙකක් එක්කම , පාස්පෝට් එකක් තිබෙන්න ඕන . වැඩේ හදිසිනම් රැපියල් 7500.00 වගේ වැය කරල එකම දවස ඇතුලත පාස්පෝට් එක අරගන්නත් පුළුවන්  .නැත්නම් රුපියල් 2500.00 වැය කරල සාමාන්‍ය සේවාව යටතේ එය ලබා ගන්නත් පුළුවන් , කොහොම ගත්තත් පාස්පෝට් එක එකමනේ , කෝකටත් මේ ලින්ක් එක හරහා ඒ ගැනත් විස්තර අධ්‍යයනය කරලම වැඩේට යන්න  ඕන කරන පෝරම ඔබේ ප්‍රෙද්ශයේ තියෙන ප්‍රෙද්ශීය ලේකම් කාර්යාලයෙන් නොමිලේ ලබා ගෙන හොඳට කියවල , නිවැරදිව පුරවල (මොකද නැත්නම් එතැන ඉන්න අතරමැදියන්ට කියල පෝරම් පුරවල අත්සන් ගන්න , තවත් රුපියල් 500-1000 ක් නිකම් වැය කරන්න වේවි)  , උදේ වරුව තුල කොළඹ පාස්පෝට් කන්තෝරුවට ගිහින් බාර දුන්නොත් , එළියට ගිහින් තේ ටිකක් බීලා , සිංදුවක් කියල ආයෙත් එනකොට පාස්පෝට් එක අතේ (එක් දින සේවයේ නම් විතරයි ) .


හොඳයි , අපි අද කතා කළේ පනින්න පෙර කරන්න ඕන එක් දෙයක් , නැහැනේ එකක් කියන්න ගිහින් දෙකක්ම කියන්න වුනා . ඔව් ඔය ටික ලේස්ති කරගන්නකෝ , ඊට පස්සේ අපි බලමු ඊළඟට මොකද කරන්න ඕන කියලා.


විශේෂයෙන්ම කියන්න ඕන මේ කරුණූ දෙක , කැනඩාවට විතරක් නෙවි , ඔස්ට්‍රෙලියාව  වැනි වෙනත් රටකට යත්දිත් ඕනම කරන කාරණා , ඒ නිසා මේ දෙක හරි ගිය පමණින් , කැනඩාවට හරි ඔස්ට්‍රේලියාවට හරි පැන්න කියල හිත කළබල කරගන්න එපා , අරමුණ තියා ගන්න , ඒ ඔස්සේ ඔබට තවත් සූදානම් වෙන්න තිබෙනවා ...!!




අපි තවත් දවසක , ඊළඟ පියවර තබමු .


එතකම් මෙන්න මේ වීඩියෝවත් බලන්නකෝ ...


සුබ දවසක් ඔබට ..

12 comments:

  1. එක්කෝ පැනගත යුතුය නැත්නම් ඇනගත යුතුය :D

    ReplyDelete
  2. liyamu liyamu gud luck

    ReplyDelete
  3. mamath balan inne.. thawa kiyamu balanna..

    ReplyDelete
  4. පූස් පාට් එකනම් තියෙනවා ඉන්ග්ලිෂ් කෝස් එක තමා කරගන්න ඕන ඊට පස්සේ?
    ඊළඟ ලිපිය එනකම් බලන් ඉන්නවෝ....

    ReplyDelete
  5. -Hasitha,
    ඇත්ත , හොරෙන් පනින්න ගිහිල්ලා ඇන ගන්නේ නැතිව ... :) ස්තුතියි පැමිණියාට .

    -Anonymous,
    ස්තුතියි ඔබටත්

    -w.nishantha,
    ඔව් ටික ටික කියන්නම් , මොකද එතකොට හිතල ටිකෙන් ටික ලේස්ති වෙන්න පුළුවන්නේ ..ස්තුතියි ඔබට .

    -මඩිස්සලේ නිශාන්,
    ඔව් ඉංග්ලිෂ් ටික කරගන්නත් උදව් වෙන ලිපියකින් ඊළඟට හමු වෙමු .

    ReplyDelete
  6. IELTS ගැන මතක් වෙන කොටත් ඉතින් කැරකැවිල්ල වගේ තමයි. මට නම් හිතා ගන්න බැ මම කොහොමද IELTS කර ගන්නේ කියලා. මොකද මගේ ඉංග්‍රිසි දැනුම ඝෘණ මට්ටමේ තමයි තියෙන්නේ. නමුත් ඉතින් කැනඩාවට යන්නත් ඕනි. එකයි මම නිතරම බලන්නේ වෙන ක්‍රමයකට යන්න. ඉංග්‍රිසි කථා කර ගන්න එක නෙමෙයි අවුල නමුත් විභාගයක් ලියලා පාස් වෙනවා කියන එක තමයි එකම අවුල. මගේ ජිවිතයේ මම කරපු කිසිම විභාගයක් සමත් වෙලා නැති එකේ කොහොමද IELTS වගේ දෙයක් කර ගන්නේ කියලා තමයි මම නිතරම බලන්නේ. ඇත්තටම මම දන්නේ නැ මම මොකද කරන්නේ කියලා. අනික තමයි මට දැනගත යුතුම දේයක් තියෙනවා. අපි හිතමු අපිට​ job offer එකක් හෝ එහි සිටින කෙනෙක් අපිව ගන්න හදනවා නම් අපිට බැරිද මේ මගුල මග හැර යන්න. එහෙම ක්‍රමයක් දැන් නැද්ද?

    ReplyDelete
  7. This comment has been removed by the author.

    ReplyDelete
  8. ගොඩක් වැදගත් වැඩක් අයියේ.දිගටම ලියන්න.IT,WEB පැත්තෙන් කැනඩා වල ජොබ් තියනවද?ඒවට ඕනකන සුදුසුකම් මොනවද කියල කියන්න පුලුවන්ද?

    ReplyDelete
  9. -Anonymous,
    ඉංග්‍රීසි භාෂා ප්‍රවීණතාවය කියන දේ නම් අත්‍යවශ්‍යයි , පවුලේ ලේ ඥාතියෙක් විසින් ඔබව අනුග්‍රගාහකත්වය ලබා දෙමින් , සහ මානුෂීය හේතු සාධක මත කෙරෙන විශේෂ ඉල්ලීම් හැරුණු කොට අන් අවස්ථාවල ඉංග්‍රීසි භාෂා ප්‍රවීනතාවය ප්‍රධාන ස්ථානයක් ගන්නවා.
    කෙසේ වෙතත් . මගේ මතය නම් අදාල විභාගය ඔය කියන තරම් අමාරු නැහැ , ටිකක් මහන්සි වෙලා , ප්‍රැක්ටිස් කළොත් , ක්‍රීඩාවක් වගේ ...ඔබට ජය ගන්නට පුළුවන් . කෙසේ වෙතත් ඔබේ පැනයට සම්බන්ධව යම් අළුත් තොරතුරක් ලැබුණොත් මෙතැන සටහන් තබන්නම් , ස්තුතියි ඔබේ අදහසට .

    -Prasad Fernando,
    ඔව් ඔබේ ක්ෂේත්‍රයේ රැකියා අවස්ථාත් තිබෙනවා , අවමව ඔබට උපාධි මට්ටමේ සුදුසුකමක් තිබීම වැදගත් . නැතිනම් වසර දෙකක් පුරා යන විධිමත් සහ ජාත්‍යන්තර පිළිගැනීමක් ඇති පුහුණූ පාඨමාලාවක් , කෙසේ වෙතත් සේවා අත්දැකීම් කාළ සීමාවත් වැදගත් ..තවත් තොරතුරු ඉදරියේදි කියන්නම් ස්තුතියි ඔබට

    ReplyDelete
  10. Machan ubata godaak Sthuuthiy apiva danuvath karanava,
    ubata varadinne naha,
    machan digatama me gana visthara daanna,
    mageth loku asaavak thiyenava,
    balamu try 1k daala

    Jaya Wevaa!

    ReplyDelete
  11. අයියේ.. ඔයාගේ බ්ලොග් එකේ වටිනාකම වචන වලින් කියලා නිම කරන්න බෑ... බොහොම ස්තූතී.. ගොඩාක් පිං
    මමත් try කරනවා කැනඩා එන්න කියලා.. PR Apply කරන විදියක් දන්නවා නම් ඒක ගැනත් පොඩ්ඩක් කියන්න කෝ... ස්තූතී

    ReplyDelete
  12. අයියේ මම ස්ලීට් එකේ IT Degree එකක් කලා.. දැන් Graduated කෙනෙක්.. මමත් ආසාවෙන් ඉන්නේ Canada එන්න.. මම Canada එන්න try කරනවා නම් මම එන්න ඕනේ Student VISA ද.? මට PR Apply කරන්න බැරිද.? Canada එන්න Cost එක කීයක් විතර යයි ද.? මට ඔය විස්තර දැන ගන්න කෙනෙක් නැතුව හිටියේ.. අයියගේ බ්ලොග් එකට පිංසිද්ද වෙන්න පොඩි හරි බලාපොරොත්තුවක් ඇති වෙලා තියෙන්නේ කැනඩා එන්න පුලුවන් කියලා මට.. බොහොම ස්තූතී අයියට
    # I am a Graduated from Sri Lanka Institute of Information Technology (SLIIT) Special hons in BSc IT
    # 1 year work experience

    ReplyDelete